"Ombra de Lúa" é un proxecto liderado por Jordi Gaspar (baixo) e Rubén Fernández(voz), dous intérpretes cunha importante traxectoria no mundo do jazz en España. Con este disco poñen outra semente no seu camiño e desenvolven música e letras orixinais onde exploran o jazz dende un punto de vista lírico e íntimo. Grazas ao concepto de formar un cuarteto con outros dous grandes intérpretes, Xosé Miguélez (saxo) e Max Gómez (batería), conseguen que esta mesma música adquira unha compoñente fortemente rítmica e dinámica, sendo orixinais no concepto de un cuarteto sen piano nin guitarra. A formación entón, con voz, saxo, baixo e batería convértese nun fluxo de comunicación constante que leva a música a lugares dunha intensidade e enerxía que poderían recordar as pegadas do experimental John Zorn, e outras plácidas e melancólicas que poderían parecer pinceladas. do minimalista Erik Satie.